Padrón, cuna do Xacobeo, debido a que foi onde chegou o barco que transportaba o corpo
do Apóstolo, é onde incia a última etapa do Camiño Portugués.
Antes de iniciar o camiño, pódese desfrutar do Paseo do Espolón, a beira do río Sar,
visitar a igrexa de Santiago de Padrón, alí atópase o Pedrón onde os discípulos
do Apóstolo amarraron o barco que transportaba o seu corpo, recorrer as rúas do pobo e admirar o
Xardín Botánico, con distintas especies de plantas.
Partindo dende a Igrexa de Santiago de Padrón, camíñase pola zona histórica do pobo ata
chegar a Iria Flavia, antiga sede episcopal.
O Xardín Botánico, declarado Ben de Interese Cultural en 1946, está considerado un
referente en Galicia, grazas a súa relevancia artística.
A documentación máis antiga do Xardín Botánico data do 1869, polo tanto está
considerado como un dos primeiros xardíns da xeografía española.
Patrimonio pola contorna
Xunto a Igrexa de Iria Flavia, encontramos a casa museo de Camilo José Cela, constituída
no 1986 polo escritor co obxectivo de gardar os seus manuscritos, libros e documentos persoais,
así como cadros e obras artísticas.
A fundación ocupa a antiga Casa dos Canónigos, construida no 1790 para que residisen os
eclesiásticos que atendían os servizos relixiosos da colexiata ata a súa conversión en parroquia
no 1851, logo do descubrimento dos restos do Apóstolo en Santiago.
No cemiterio podemos visitar a sepultura do Premio Nobel, situada debaixo da oliveira centenaria.
Santuario Nosa Señora da Excravitude
Seguindo o camiño ata Santiago, atopámonos ante o Santuario da Excravitude, de estilo
barroco, datado entre os séculos XVIII e XIX.
Conta a lenda que a construcción deste santuario débese a gran doación que fixo un
peregrín, que facía o camiño buscando a axuda do Apóstolo para sanar a súa enfermidade.
No seu descanso xunto a fonte ao beber desa auga, milagrosamente a enfermidade que o
aflixía desapareceu.
Pazo do Faramello
Se seguimos o rastro das frechas amarelas que nos sinalan o camiño, daremos con un
tramo de fondrosas vides que nos levarán ata A Picaraña.
Logo de camiñar uns 800 metros entramos en O Faramello, xa no termo municipal de Rois.
Alí atopamos o Pazo do Faramello, edificio do século XVIII de estilo barroco. Emblema
galaico, inspirador de escritores como Rosalía de Castro e Pardo Bazán.
O pazo encóntrase aos pés do antigo castro da Raíña Lupa (Castro Lupario).
CC bySantiagoturismo.com
Dende o Faramello, tomamos camiño cara a aldea de Francos, coa súa igrexa e cruceiro, éste último catalogado como un dos máis antigos de Galicia.
A un pasiño de Compostela
Chegados a este punto xa abandonamos as Terras de Iria, para entrar nos concellos de Teo, Ames e finalmente o concellos de Santiago de Compostela, onde a última parada é a praza do Obradoiro, presidida pola Catedral.
CC byWikimedia Commons
